बुटवल ॥ गत चैत्र २०८० मा संचालन भएको एसईईमा कालीगण्डकी गाँउ पालीका ७ स्थित श्री दुर्गा भवन मा वी छापचौर की छात्रा छाँया भट्टराईले कालीगण्डकी टपेकी छिन। उनले साधारण तर्फ ३.५० जि पी ए ल्याउदै कालीगण्डकी प्रथम बनेकी हुन।

यस श्री दुर्गा भवन मा वि छापचौरबाट साधारण तर्फ ४ जना र प्राविधिकतर्फ १ जना गरी कुल ५ जना बिधार्थी उत्तीर्ण भएका हुन। उत्तीर्ण हुनेमा बिन्दु थापा (३.३२ जिपीए) , बिपीन पौडेल (३.२२ जिपीए) , समीक्षा शाह (२.९९ जिपीए) , र प्रतिक्षा पुरी (२.७७ जिपीए ) रहेका छन।

यसैगरी श्री देउराली मा वी खड्गकोट बाट २ जना उत्तीर्ण भएका छन भने श्री जनकल्याण मा वी फोक्सींग बाट पनि २ जना उत्तीर्ण भएका छन। यसरी नै कालीगण्डकी को सेन्टर मानीने श्री जिवनोद्वार मा वी बाट ५ जना बिधार्थी उत्तीर्ण भएका छन।

कालीगण्डकी गाँउपालीका मै उत्कृष्ट नतिजा ल्याउदै श्री भगवती मा वी अर्वेनी फाँटले ५०% बिधार्थी यानकी ८ जना बिधार्थी उत्तीर्ण गराउन सफल भएको छ। यसैगरी श्री दभौंखानी मा वी बाट १ जना, देउराली मा वी हर्मिचौरबाट १ जना, अनी श्री हर्मिचौर मा वी हर्मीचौरबाट ५ जना बिधार्थी उत्तीर्ण हुदै गर्दा श्री शुक्र मा वी खड्गकोट लुंग नील भएको छ।

समग्रमा हेर्दा नतिजा निक्कै कमजोर रहेको र सबै बिधालय सामाजिक संजालमा रहेका तर कमजोर नतिजा भएकै कारण नतिजा सार्वजनिक गर्न नसकेको देख्नमा आएको छ।

तसर्थ,सरसर्ती हेर्दै गर्दा नेपाल भरीबाट करिब ४८% उत्तीर्ण हुदै गर्दा निजी बिधालयहरुले करिब ३०% उत्तीर्ण गराएको र नेपाल सरकारको साम दाम दण्डभेद बाट पनि जम्मा १८% बिधार्थी उत्तीर्ण हुनुमा हामी नेपालीले सामुदायिक बिधालयको हालत यहिनेर बुझ्न सक्छौ। कमसेकम पैसो हुनेका छोराछोरीहरु निजी बिधालयमा पढेर पास त भएका छन। नत्र समग्रमा ७०% बिधार्थीको भविष्य डामाडोल हुने देखीयो।

त्यसैले हाम्रो कालीगण्डकी गाँउ पालीकाबाट जम्मा जम्मी २१७ जना प्रशिक्षार्थीले परिक्षा दिएकोमा जम्मा २९ जना यानकी करिब १३.३६% मात्र बिधार्थी उत्तीर्ण भएका छन। यो तथ्यांक हेर्दा हाम्रो कालीगण्डकी गाँउ पालिका निक्कै कमजोर देखीएको छ।

र अर्को कुरा शिक्षा सम्बन्धी कानुन स्थानीय तहलाई दिनु नै यो कमजोर रिज़ल्ट आउनु रहेको निश्कर्ष निकाल्न सकिन्छ। किनभने स्थानीय स्तरबाट राजनैतिक आडमा आफ्ना नजिकका आफन्त भाई भारद्वाज साला साली भान्जा भान्जी लगायतका लाई प्रक्रिया नै नपुर्याईकन शिक्षक जस्तो पेशामा जागीर दिलाउनु नै मुख्य कारक बनेको छ।

तसर्थ पालिकाले अबका दिनमा पनि यहि कुरालाई निरन्तरता दिदै राजनिती नै ठूलो हो भन्ने ठानेर आफ्नालाई विधालय जस्तो पवित्र ठाँउमा बिना प्रतिस्पर्धा भर्ति गर्दै जाने हो भने भोलीका दिनको नतिजामा जवाफदेहीता बन्नै पर्ने देखीन्छ।